مابغاك تزهمني

من طرف **اريـ الورد ـج** الجمعة مايو 28, 2010 7:38 am

السلام عليكم ورحمة الله وبركاته

كيفكم ان شاء الله اكوس شي؟؟

قصيده من قصايدي اتمنى تعجبكم ؟؟<<--اقول بلا هيط واخلصي

ما ابغاك تزهمنـي ولانـــي مناديـــــك
ولا ابغاك ترجعلي لو الجرح نــــاداك
اللي ذبحته عقب ما كـــان شاريــــــك
خلاص باعك وارخص اليوم مشراك
ماني من اللي لا طمع فيك يرجيـــــك
ولو كان جـرحه من سبايبـــك فتـــاك
أعز نفسي واتركـك فـــي مساعيــــك
وتاخذني العزه على وسـق رجــــواك
لا واخســـارة حب قلبــا" يداريــــــك
جازيت وصله بالجفا يومـه اعطــــاك
أعطاك فرحــه يــوم حزنــك يبكيــــك
وفي خنجر الحاسد طعنتـــه بيمنـــــاك
ياما قطفت من البساتيــــن واعطيــــك
واغيض غيرك لجل عينك ولرضاك
هذي جزات اللي رمى الورد بيديـــــك
ورفع من دروبك غصانين واشــــواك
نسيت دمعك والحزن كــــان طاويـــك
ايدين تمســح دمـع عينـــك وترعـــــاك
نسيـت حضنــاً لــم حزنــك يواسيـــــك
ولا شان وقتك من قسى البرد غطـــاك
ياناكر العشــره حشا اليــوم ما بيــــــك
خلك مع اللي ضاحكاً فيك واغــــراك
دربـك طــويـل .. نهايتـه للـمهاليـــــك
ولا ينفعــك عــاذل رسملك وأغــــواك
النفـس طــابت مالنا خاطـــراً فيـــــــك
قلبي شرا مـن بالمخالـيـــق يســــــواك
وان كان تحسبني على كيفك ارضيـك
لا والله الا .. طــال ليلك وممشـــــاك
شوف الثريا بعــدها عــن مواطيــــك
انا الثـــريا وانت بالارض مشهـــــاك
وانا كان تحسبني مع الوقت باجيـــــك
اقص رجلي لو نوت تتبــع خطــــــاك
ولابد يالخاين مع الوقــت يرميـــــــك
من كنت لجله بعـــت قلبـاً تمنــــــــاك
وتعود لي تشكـي من جــروح كـاويك
وتبكي ندم واسفه رجاويك وانساك

وسلامتكم